Vinnustaðurinn

Olís er í dag framsækið og öflugt þjónustufyrirtæki sem býður upp á góðar vinnuaðstæður við krefjandi og spennandi viðfangsefni.

Störf sem unnin eru í Olís eru fjölbreytt, en eru í eðli sínu allt þjónustustörf. Þess vegna leitar félagið að þjónustulunduðu og jákvæðu starfsfólki sem er tilbúið til að leggja sig fram um að skapa fyrirmyndarstarfsstaði í samvinnu við aðra starfsmenn félagsins.

Kröfur um menntun fara vaxandi í þjóðfélaginu og er ávallt leitað að vel menntuðu fólki til starfa, sem síðan fær í auknum mæli þjálfun og endurmenntun innan fyrirtækisins.

Sem dæmi um störf sem bjóðast eru afgreiðslu- og sölustörf á þjónustustöðvum, akstur og lagerstörf, ýmis skrifstofustörf, tæknivinna við byggingar og dælukerfi, stjórnunarstörf o.fl. Hjá félaginu starfa konur og karlar á öllum aldri og er leitast við að ráða í þann hóp þannig að aldursdreifing verði nokkuð jöfn og gætt er að jöfnum rétti kynjanna. Ekki er ráðið fólk yngra en 18 ára til starfa.