Dælum til góðs og ferðumst örugglega
Slysavarnarfélagið Landsbjörg opnar Safetravel-daginn og fylgir fyrstu hálendisvakt sumarsins úr hlaði hjá Olís Norðlingaholti í dag kl. 16–19.
Í dag kl. 16–19 ætla félagar úr Slysavarnafélaginu Landsbjörg að mæta á 50 staði um allt land, þ.á m. Olís-stöðvar, afhenda ökumönnum fræðsluefni, hvetja til ábyrgrar aksturs- og ferðahegðunar sem og segja frá Hálendisvaktinni.
Af því tilefni renna 5 kr. af hverjum lítra til Slysavarnafélagsins Landsbjargar. Auk þess fá lykil- og korthafar Olís og ÓB 25 kr. afslátt af hverjum eldsneytislítra í dag. Afslátturinn gildir ekki á ÓB-stöðvunum við Arnarsmára, Bæjarlind og Fjarðarkaup. Þar gildir alltaf lægsta verð ÓB.
SAFETRAVEL er samstarfsverkefni opinberra stofnana og fyrirtækja sem ásamt Slysavarnafélaginu Landsbjörg hafa það að markmiði að auka forvarnir og minnka slys í ferðamennsku og ferðaþjónustu hérlendis.
Á vefsíðunni www.safetravel.is finnur þú Íslandskort þar sem á einum stað má sjá færð á vegum, veður, vefmyndavélar, aðstæður á ferðamannastöðum, vindhviður á vegum og fleira. Allt á einum stað fyrir öruggt ferðalag.
Ferðumst örugglega í allt sumar!
Olís er einn af aðalstyrktaraðilum Slysavarnafélagsins Landsbjargar
Heimilispakki
Sem inniheldur örtrefjaklút, uppþvottalög, uppþvottabursta, pottasvampa 10stk í pakka., gúmmíhanska, handsótthreinsir 100ml,alhliðahr. m/dælu 500ml. og glerúði m/dælu 500ml.
Index vatnsþéttidúkar
Ný kynslóð endingargóðra einangrunardúka, auðveldir í ásetningu. Framleiddir til að draga úr vatnsálagi og hlífa húsþökum, bílastæðum, brúm og öðrum flötum eða hallandi steypuflötum sem þarf að vatnsverja.