Golfmót Forskots

 Árlegt golfmót Forskots fór fram á Hólmsvelli í Leiru á fimmtudag 27.ágúst  Fulltrúar sem standa að sjóðnum léku þar ásamt nokkrum af fremstu kylfingum landsins.

Forskot er afrekssjóður sem hefur frá árinu 2012 stutt við bakið á íslenskum afrekskylfingum. Markmið sjóðsins er að gera styrkþegum auðveldara að æfa og keppa við bestu mögulegu skilyrði, í samræmi við það sem gerist á alþjóðlegum vettvangi.

Að Forskoti standa Íslandsbanki, Icelandair, Vörður tryggingar, Bláa Lónið, Olís og Golfsamband Íslands. Olís bættist í hópinn á þessu ári.

Átta kylfingar fá úthlutað úr sjóðnum árið 2026: Andrea Bergsdóttir, Dagbjartur Sigurbrandsson, Guðrún Brá Björgvinsdóttir, Gunnlaugur Árni Sveinsson, Haraldur Franklín Magnús, Hlynur Bergsson, Ragnhildur Kristinsdóttir og Perla Sól Sigurbrandsdóttir.