Gæðastefna Olís

Olís er verslunar- og þjónustufyrirtæki á fyrirtækja- og einstaklingsmarkaði, sem býður góðar, samkeppnishæfar vörur og rekur sölu- og þjónustukerfi í fremstu röð.

Það er stefna Olís að vera leiðandi fyrirtæki á Íslandi á sínu sviði hvað varðar arðsemi, þjónustu við viðskiptavini, gæði vöru, umhverfisvernd og góða ímynd, þar sem sérstök áhersla er lögð á stuðning við umhverfis- og mannúðarmál.

OLÍS LEGGUR ÁHERSLU Á:

• Að þróa og viðhalda gagnsæju stjórnkerfi til að halda utan um gæðamál félagsins.
• Að vinna eftir ISO 9001 gæðastaðlinum til að tryggja stöðugar umbætur.
• Að fara að lögum og reglum yfirvalda í starfsemi sinni.
• Að mæta réttlátum óskum viðskiptavina og birgja.
• Að starfsmenn sýni gott viðmót og veiti framúrskarandi þjónustu.
• Að hafa yfir að ráða hæfu starfsfólki sem veitt er tækifæri til starfsþróunar og símenntunar, starfsmenn fái hvatningu og stuðlað sé að frumkvæði þeirra.
• Að veita gott vinnuumhverfi, ánægju og vellíðan í starfi.

Forstjóri Olís ber ábyrgð á að allir starfsmenn félagsins þekki og skilji gæðastefnuna og hafi hana að leiðarljósi í starfi sínu.

Janúar 2016