Umhverfið
Olís telur nauðsynlegt að standa vörð um náttúru landsins og fyrirtækið leggur sitt á vogarskálarnar til að hver kynslóð skili landinu og auðlindum þess í betra horfi til þeirrar næstu. Olís vill nýta auðlindir landsins á sjálfbæran hátt og stuðla að vexti þeirra svo sem kostur er. Umhverfisstefna Olís byggir á því að tryggt sé, með hliðsjón af eðli starfsemi félagsins, að umhverfissjónarmið séu höfð að leiðarljósi í öllu starfi félagsins. Stefnan nær til allra starfsmanna Olís og sjálfstæðra aðila sem starfa fyrir félagið. Tekið skal mið af umhverfisvernd við meðferð á söluvörum, förgun úrgangsefna, endurnýtingu umbúða, vöruþróun, byggingu mannvirkja og val á rekstrarvörum
Umhverfisvænir orkugjafar: Hraðhleðslustöðvar fyrir rafmagnsbíla eru komnar upp á tveimur þjónustustöðva Olís, Álfheimum í Reykjavík og Höfn í Hornafirði, og stefnt er fjölgun þeirra jafnt og þétt á næstunni. Þá er boðið upp á metan í Álfheimum, Mjódd og á Akureyri. Öll dísilolía er blönduð með vetnismeðhöndlaðri lífrænni olíu (VLO) en við hófum þá íblöndun áður en Evróputilskipanir kváðu á um slíka íblöndun til að draga úr losun koltvísýrings.
Litlu hlutirnir: Um langt árabil hefur Olís boðið upp á áfyllingar á bílavörum eins og rúðuvökva, án plastbrúsa, selt fjölnota kaffimál til að minnka sóun, tekið á móti rafhlöðum til förgunar og kertaafgöngum til endurnýtingar, svo dæmi séu tekin.
Skógrækt: Olís hefur um árabil unnið með Landgræðslunni á sviði skógræktar. Stærsta herferðin sem farið hefur verið í á því sviði er „Græðum landið með Olís“.
Umhverfisvottaðar vörur: Fyrirtækjaþjónusta Olís býður upp á vörur sem eru með Svansmerkingu.
Verkefni framundan: Fjölmörg verkefni sem stuðla að umhverfisvernd eru í vinnslu hjá Olís. Meðal annars er stefnt að því að koma upp flokkunartunnum á allar þjónustustöðvar Olís. Þá er unnið að því að fjölga hleðslustöðvum um allt land. Auk þess er vinna við að fá ISO 14001 umhverfisvottun hafin og stefnt að því að vottunin fáist fyrir árið 2020.
Fjáröflunarvörur
Pokapakki (5rl) Nestispokar, svartir ruslapokar, gráir höldupokar, skrjáfpokar 50x60cm, hnútapokar 200stk , flottur pakki
Heimilispakki
Sem inniheldur örtrefjaklút, uppþvottalög, uppþvottabursta, pottasvampa 10stk í pakka., gúmmíhanska, handsótthreinsir 100ml,alhliðahr. m/dælu 500ml. og glerúði m/dælu 500ml.